2023 මැයි මාසය වන විට ජාතික ජලසම්පාදන හා ජලාපවහන මණ්ඩලයට අය විය යුතු හිඟ බිල්පත්වල වටිනාකම රුපියල් බිලියන 8 ක් බව නිවේදනයක් නිකුත් කරමින් එම මණ්ඩලය පවසා තිබෙනවා.
ඉන් රුපියල් බිලියන 7.1 ක් ගෘහස්ථ පරිභෝජනය වෙනුවෙන් අයකරගත යුතු මුදල්.
පූජනීය ස්ථානවලින් අය විය යුතු හිඟ මුදල රුපියල් මිලියන 32 ක්.
පොදු ජල සැපයුම් සඳහා රුපියල් මිලියන 262 ක්.
කර්මාන්ත යටතේ අය විය යුතු හිඟ මුදල රුපියල් මිලියන 15 ක්.
රාජ්‍ය ආයතන වෙතින් රුපියල් මිලියන 656 ක් අයවිය යුතුව තිබෙනවා.
පාරිභෝගිකයින් 90,617 දෙනෙකුගේ ජල සැපයුම විසන්ධි කිරීමට මේ වනවිටත් පියවර ගෙන ඇති බව නිවේදනයේ සඳහන්. ඒ ජල බිල් නොගෙවීම හේතුවෙන්.
මේ අතර පාරිභෝගිකයින් 5277 කට එරෙහිව නීතිමය පියවර ගෙන ඇති බවද වාර්තා වනවා.